نور الدين لقرطاسة
لفضولي
كنت فالمطار هاد ليام، وتلاقيت بديك نور ولا نور الدين ولا ماعرت أسميتو ولا سميتها، هاداك لعجب لي تيشطح و الي بدل لكنس ديالو من راجل لمرا، السلامة ياربي. السيدة طولة وتجريدة وبوكوسة، لي دايز يحل فمو فيها، وحتى دياول الديوانا حلو فيها فمهم، وخلاوها الدوز.
عادي زعما دوز؟ مانضنش، حيت آ مولاي فالباسبور ديالها مكتوب معلومات على انها نور الدين، ذكر, والجنسية مغربي، والسيدة لي واقفة قدام الديواني راه مرا، نور أنثى والجنسية مغربية، والدليل داك السدر لمبندر، والشعر لمسبسب. واش نتيقو لباسبور ولاكارط ناصيونال؟ ولا نتيقو السدر؟
وكيفاش خلاوه (ها) دوز؟ الله وعلم، كاين لي تيقول عندها علاقات معى شي مسؤولين كبار فالدولة، وكين لي تيقول دايرة لقوبول باش لي شافها يتضبع، حتى المخزن ديالنا وديال الدول لخرين ضبعاتهم.
ولكن, فكل الأحوال الساطة مجهدة ومشات بعيد، تيعيطو ليها غير شكون وشكون باش تحضر للمناسبات ديالهم، آشمن ووزارا واشمن ناس بوكو لعاقة.... خليوني ساكت, هاد لفضول لي فيا غادي يخرج عليا شي نهار.
المهم, كيجاتكم التصويرة؟.
